Friday, August 5, 2016

ಕವಿತಾ ಅಡೂರು - ಕಿರುನಗೆಯ ಚೆನ್ನಿಗನೆ

ಕಿರುನಗೆಯ ಅಧರದೊಳು
ಧರಿಸಿರುವ ಚೆನ್ನಿಗನೆ
ಕಣ್ಣ ಬೆಳಕಿನ ಹೊಳಪು
ಯಾರ ಕೊಡುಗೆ?

ಕನಸುಗಳ ಲೋಕದೊಳು
ಜಗವಳೆವ ಬಯಕೆಯೇ?
ನಿನ್ನ ಮೋಹಕ ನಿಲುವು
ದೇವತೆಗೂ ಮುಗಿಲು!

ನಲ್ನುಡಿಯನೊಂದು
ಉಸುರಲಿದೆ ಕಿವಿಯೊಳು
ಬಳಿಸಾರಿ ಬರಲು,
ಭಯ; ನಿನ್ನ ಕೈಗಳದು!!

ನಿನ್ನ ಮಾತಿನ ಸ್ವರಕೆ
ತಾಳ ತಪ್ಪಿದೆ ಹೃದಯ,
ಕಾಲಗೆಜ್ಜೆಗೂ ಪುಳಕ
ಬಳೆಗಳಿಗೂ ಲಜ್ಜೆ!!

ಮಲ್ಲಿಗೆಯ ಮುಗುಳಿಗೂ
ನಿನ್ನ ಉಸಿರಿನ ನೆನಪು;
ಮುಂಗುರುಳ ಮುಗಿಲೊಳಗೆ
ಹನಿಯಾದ ಒಲವು!!
 
ಒಂಟಿಯಾಗಿಹೆ ನಾನು
ಮನದ ಮಹಲಿನ ಒಳಗೆ;
ಮೌನ ಮಾತಿಗೆ ಕಾದು
ಬಿಸಿಯಾದ ಉಸಿರು!

ದೇವತೆಯು ನೀನಹುದು
ಆರಾಧಿಸುವೆನೆಂದೆಂದು.
ಬದುಕ ಪಥದೊಳಗೆ
ನೀನು ನೆರಳಾಗಿರು...
ನನ್ನ ಒಲವಾಗಿರು.
*ಕವಿತಾ ಅಡೂರು*

No comments:

Post a Comment