Monday, July 4, 2016

ಡಿ.ವಿ. ಜಿ - " ನಾಳೆಯೊಂದಿಹುದು ನಿನ್ನೆಯೊಲೆ ----"

ನಾಳೆಯೊಂದಿಹುದು
ನಿನ್ನೆಯವೋಲೆ ಬಾಳಿನಲಿ
ಬೀಳಾಯ್ತು ನಿನ್ನೆಯಂದಳುವುದೇಕೆ?
ಮೇಲು ಮಾಡಲ್ಕಂದು
ಸಮಯವದಕಾಣೆಯೇಂ
ಪಾಳೊಂದು ಮಿಲ್ಲವೆಲೊ-
ಮರುಳಮುನಿಯ
*ನಲ್ಬೆಳಗು -ಕವಿತಾ ಅಡೂರು *
(ಆಗಿಹೋದ ನಿನ್ನೆಯಂತೆ ಜೀವನದಲ್ಲಿ ನಾಳೆ ಎನ್ನುವುದೂ ಒಂದಿದೆ ಎನ್ನುವುದನ್ನು ಮರೆಯಬೇಡ. ನಿನ್ನೆಯ ದಿನ ಏನೂ ಕೆಲಸವಾಗದೆ, ಅಂದುಕೊಂಡ ಗೆಲುವು ಸಿಗದೆ ಎಲ್ಲವೂ ಹಾಳಾಯ್ತೆಂದು ಕೊರಗುತ್ತಿ ಯಾಕೆ? ನಾಳೆಗಳು ನಿನ್ನೊಡನೆ ಇದೆ. ಬೀಳಾಗಿರುವುದನ್ನು ಪುನಃ ಮೇಲಕೆತ್ತಲು ಅದು
ತಕ್ಕ ಸಮಯಕ್ಕೆ ಕಾಯುತ್ತಿರುತ್ತದೆ ಎನ್ನುವುದನ್ನು ನೀನು ಕಾಣುತ್ತಿಲ್ಲವೆ? ಪ್ರಪಂಚದಲ್ಲಿ ಹಾಳು(ಪಾಳ್) ಎನ್ನುವುದು ಯಾವುದೂ ಇಲ್ಲ.
ಆಗುವುದೆಲ್ಲ ಒಳ್ಳೆಯದಕ್ಕೆ. ಇವತ್ತು ಕಹಿ ಅನಿಸಿದ್ದು ನಾಳೆಗೆ ಸಿಹಿಯಾಗಿ ಕಾಣುತ್ತದೆ. ಹಾಗಾದದ್ದೇ ಸರಿ ಅನ್ನಿಸುತ್ತದೆ. ಸಮಚಿತ್ತವನ್ನು ಬಿಡದೆ ಎಲ್ಲವನ್ನು ಎದುರಿಸುವ ಗುಣವನ್ನು ನಾವು ಬೆಳೆಸಿಕೊಳ್ಳಬೇಕು.




{  ಕವಿತಾ ಅಡೂರು ಅವರ Face Book ನಿಂದ }








No comments:

Post a Comment