ಬರ್ಟೋಲ್ಟ್ ಬ್ರೆಕ್ಟ್ - ಜನರಲ್ ಆಹಾ ನಿಮ್ಮ ಟ್ಯಾಂಕರ್... { ಕನ್ನಡಕ್ಕೆ - ಅನುಪಮಾ ]

‘ಜನರಲ್,

ಆಹಾ! ನಿಮ್ಮ ಟ್ಯಾಂಕರ್! ತುಂಬ ಶಕ್ತಿಶಾಲಿ ವಾಹನ.

ಅದು ಕಾಡುಮೇಡುಗಳ ನುಚ್ಚುನೂರು ಮಾಡಬಲ್ಲದು.

ನೂರಾರು ಜನರ ಹಿಂಡಿ ಹಿಸುಕಬಹುದು.

ಆದರೆ ಅದರದ್ದು ಒಂದೇ ಕೊರತೆ:

ಅದಕೊಬ್ಬ ಡ್ರೈವರ್ ಬೇಕು!

ಜನರಲ್,

ಓಹ್! ನಿಮ್ಮ ಬಾಂಬರ್ ಎಷ್ಟು ಶಕ್ತಿಶಾಲಿ!

ಬಿರುಗಾಳಿಗಿಂತ ವೇಗವಾಗಿ ಓಡಬಲ್ಲದು

ಆನೆಗಿಂತ ಹೆಚ್ಚು ಭಾರ ಹೊತ್ತೊಯ್ಯಬಲ್ಲದು,

ಆದರೆ ಅದರದ್ದು ಒಂದೇ ಲೋಪ,

ಅದಕ್ಕೊಬ್ಬ ಮೆಕ್ಯಾನಿಕ್ ಬೇಕು.

ಜನರಲ್,

ಈ ಮನುಷ್ಯ ಇದ್ದಾನಲ್ಲ, ತುಂಬ ಪ್ರಯೋಜನಕಾರಿ.

ಆತ ಹಾರಬಲ್ಲ, ಕೊಲ್ಲ ಬಲ್ಲ.

ಆದರೆ ಅವನದ್ದು ಒಂದೇ ಕೊರತೆ,

ಅವನು ಯೋಚಿಸಲೂ ಬಲ್ಲ.’

- ಬರ್ಟೋಲ್ಟ್ ಬ್ರೆಕ್ಟ್

ಕನ್ನಡಕ್ಕೆ: ಅನುಪಮಾ

Bertolt  Brecht - Gerneral ..translated to kannada by  ANUPAMA