ನಿನ್ನ ಕಣ್ಣಂಚಲ್ಲಿ ನೂರಾರು ರಾಗಗಳು
ಕದ್ದಲೆಯುತ್ತಿದ್ದಾಗ ನಾನು ಬಂದೆ
`ಎಲ್ಲಿದ್ದಿತೋ ಬಾನು? ಎಲ್ಲಿದ್ದಿಯೋ ನೀನು?
ಈ ಹಾಡು ನಿನ್ನದೇ' -ನೀನು ಅಂದೆ
ಕದ್ದಲೆಯುತ್ತಿದ್ದಾಗ ನಾನು ಬಂದೆ
`ಎಲ್ಲಿದ್ದಿತೋ ಬಾನು? ಎಲ್ಲಿದ್ದಿಯೋ ನೀನು?
ಈ ಹಾಡು ನಿನ್ನದೇ' -ನೀನು ಅಂದೆ
ಸಾವಿರದ ನೋವಲ್ಲಿ ಜೀವ ಜಂಜಾಟದಲ್ಲಿ
ನಾನು ಮತಿಗೆಟ್ಟಾಗ ನೀನು ಬಂದೆ
ಕಿಚ್ಚು ನಂಜಿನ ಹೊಳೆಯಿಂದೀಚೆ ತೆಗೆದು
ಈ ಕಾಡು ಬಿದಿರಿನ ಕೊಳಲು ನಿನ್ನದೆಂದೆ.
ನಾನು ಮತಿಗೆಟ್ಟಾಗ ನೀನು ಬಂದೆ
ಕಿಚ್ಚು ನಂಜಿನ ಹೊಳೆಯಿಂದೀಚೆ ತೆಗೆದು
ಈ ಕಾಡು ಬಿದಿರಿನ ಕೊಳಲು ನಿನ್ನದೆಂದೆ.
ತುಂಬಿ ಎದೆ ಬಿಗಿದಿದ್ದ ವೇದನೆಯ ಮೊಗ್ಗೊಂದು
ನಿನ್ನ ಹಿತಸ್ಪರ್ಶಕ್ಕೆ ಹೂವಾಯಿತು
ಹೂವಾಯಿತು ನನ್ನ ಕೊಳಲ ಹಾಡಾಯಿತು
ಹಾಡು ಬೃಂದಾವನದಲ್ಲಿ ತಾ ತಣಿಯಿತು
ನಿನ್ನ ಹಿತಸ್ಪರ್ಶಕ್ಕೆ ಹೂವಾಯಿತು
ಹೂವಾಯಿತು ನನ್ನ ಕೊಳಲ ಹಾಡಾಯಿತು
ಹಾಡು ಬೃಂದಾವನದಲ್ಲಿ ತಾ ತಣಿಯಿತು
ಅರಳುತ್ತಿರಲಿ ಸಖೀ ನಿನ್ನ ಮುಖಭಾವದಲಿ
ಕವಿತೆ ಹಾಗೆ ಕೋಟಿ ವಿಕಸಿತ ಕಮಲ
ತಡೆದು ನಿಲ್ಲಿಸಲದು ಈ ಜಗದ ಪ್ರಳಯ ವಿಲಯ
ಮನದಲ್ಲಡಗಿದ ಕುರುಕ್ಷೇತ್ರದ ಹಾಲಾಹಲ
ಕವಿತೆ ಹಾಗೆ ಕೋಟಿ ವಿಕಸಿತ ಕಮಲ
ತಡೆದು ನಿಲ್ಲಿಸಲದು ಈ ಜಗದ ಪ್ರಳಯ ವಿಲಯ
ಮನದಲ್ಲಡಗಿದ ಕುರುಕ್ಷೇತ್ರದ ಹಾಲಾಹಲ
ನಾನು ಮೋಹನ ಮುರಳಿ, ನೀನು ರಾಧಾಲೋಲೆ
ಕಳೆಯಲಿ ಹೀಗೆ ಶಿಶಿರ ಗ್ರೀಷ್ಮ ವರ್ಷ
ನಾನು ನುಡಿಸುವೆ ನಿನ್ನ, ನೀನೆ ಅಲ್ಲವೇ ಉಸಿರು
ಎಂಥ ಸೋಜಿಗದ್ದೀ ಜೀವದಾಕರ್ಷ!
ಕಳೆಯಲಿ ಹೀಗೆ ಶಿಶಿರ ಗ್ರೀಷ್ಮ ವರ್ಷ
ನಾನು ನುಡಿಸುವೆ ನಿನ್ನ, ನೀನೆ ಅಲ್ಲವೇ ಉಸಿರು
ಎಂಥ ಸೋಜಿಗದ್ದೀ ಜೀವದಾಕರ್ಷ!
